आयुष्य क्षणांच...!!

 

क्षणा क्षणाने आयुष्य

सरत जाईल..

आजचा हा क्षण

उद्यासाठी भूतकाळात 

जमा होईल...

मिळालेल्या जखमांवर

बळच फुंकर घातली जाईल..

मिळालेल्या त्या पुंजीलाच

यश समजत राहील...

पण तेव्हाच  गमावलेलं

क्षण मात्र एकांतात 

प्रश्न विचारत राहतील..

होऊन गेलेल्या त्या प्रवासात

वेडं मन हरवू पाहिल..

एकेका क्षणात जखडू पाहिल..

अन् पुन्हा त्या अनवट वाटांवर

एकट्या मनाची वाट आढवील..

आठवणीत रमवत राहील

कळत नकळत नजरेनच

अर्ध्य देवू पाहिल...

म्हणूनच रे गड्या, जगावं असं

आजचा क्षण

उद्याच्या भूतकाळातला

सुंदर क्षण गणला जावा...

थरथरणारी क्षीण पावलं

परतीच्या दिशेने पडताना

त्या क्षणांनी गालिचा अंथरावा..

अन् सूर्य अस्तास जातानाही

त्या क्षणांचा महोत्सव व्हावा....!!

अगदी प्रवास संपतानासुद्धा......!!!

#प्रवास #जगणं♥️

#जिंदगी_का_फंडा🍃

प्रिये...!!

 

माळलेल्या मोगऱ्याचा गंध अजूनही 

नसात भिनतो आहे...

गालावर रुळलेली, वेढण घातलेली,

 बट  आठवताच तो अजूनही भुलतो आहे...!!

भुलनं, भिणनं यास जग आकर्षण म्हणत 

लेबलं लावील..

'तो' मात्र आयुष्याच्या संध्याकाळीही

चिरतरुण यौनातली "तुज" आठवत राहील...!!

#जगणं #प्रेम #आदर #काल्पनिक❣️

#जिंदगी_का_फंडा🍃

सांजवेळ....!!

भाजलेल्या मनाला,

उमळणाऱ्या काट्यांना,

सांजवेळ फुंकर घालते,

अव्यक्त शब्दांना....!!

उन्हानंतर सावलीला,

अनामिक हुरहुरीला,

सांजवेळ कुशीत घेते,

ना दिसता कुणा ...!!

कधी आई बनून,

कधी बनून बहीण,

डोळ्यातून टपकणाऱ्या

मोत्यांना लपवते झेलून,

अन् सांजवेळच दाखवते,

बनून मैत्रीण...!!

दिसाबरोबर हसताना,

मुखवट्या मागच्या

दुखऱ्या क्षणांना,

सांजवेळ सांगते,

हळूच तिरप्या किरणांना....!!

अशी 'तू',

असा 'मी',

आजन्मीच ऋणी,

कायमच 'मी'....!!!

#सांजवेळ❣️

#जिंदगी_का_फंडा🍃

जगणं.... ज्याचं.. त्याचं

 

चहू बाजूंनी आभाळ भरून आल्यावर 

आज तो भरभरून कोसळला,

दाटून आलेल्या मनाला 

हलकेच चिंब करून गेला...!!

संथ कोसळताना त्याने 

एकांताची जाणीव दिली,

तूच तुझा साथी म्हणत 

पाठीवर आश्वासक थाप दिली,

अन् पडताच मातीत मिसळताना

त्याने जगाची रीत सांगितली...!!

वाऱ्यासंग गडगडाट करत,

लढल्याचा शंखात नाद भरत,

कदाचित सांगून गेला कानात,

घेऊन उसनं अवसान  लेका,

उतरायचं नसतं जगाच्या युद्धात...!!

आता आणून लेका बळ मनगटात,

असतो सुकाणू  तोलायचा,

करून जीवनाची मशागत आता

काळ हा रण गाजवायचा..!!

पहा त्या तिथल्या क्षितिजाले,

रान फुललेलं बघण्यास लेका

आई बाचे डोळे आतूरलेले...!!

असेल जरी सूर्य पश्चिमेकडे झुकलेला

पण तरीही कष्टाचा दाह मात्र दुसऱ्या प्रहराचा,

अट्टाहास तयांचा फक्त पूर्ण स्वप्न तुझी पाहण्याचा...

.!!

#जगणं❣️

#जिंदगी_का_फंडा🍃

अन् पाऊस...!!

 तिन्हीसांजेच्या वेळी,

'तो' आज बेधुंद बरसला...!

कोणा चाहूल न देता,

तीच्यासवे एकरूप जाहला..!

गरंगळत पानांवरून असा 'तो' आला,

जसा कोणा परीच्या गालांवरून,

कोण्या प्रियकराने अचूक त्याला टिपला..!

जसा शातंतेत 'तो' आला,

तसा शांततेच जाईल...!

पुन्हा अनीच्छित काळासाठी,

विरहाने व्याकुळ होऊन वाट 'ती' पाहिल..!

काही क्षणांच्याच त्याच्या भेटीत,

कुशीत तिच्या फुलं उपजतील..!!

वाऱ्यासवे दुडदुडत राहून,

आसमंतात सुगंध पेरतील..!

याच साठी विरहाच्या काळातही ,

दोहांतला साकव मात्र अतूट राहील...!

अन् अखंडपणे सुगंध पेरीत राहील बकुळासवे

शांत... अन् सौम्य.....!!

#पाऊस❣️

#जिंदगी_का_फंडा🍃

क्षण कातरवेळीचा...!!

 तिन्हीसांज झाली रंग तांबूस लेवून,

पडत्याला आधार देऊन,

जातो निरोप 'तो' घेवून...!!

लागलेल्या ठेचानां, पोळलेल्या पायांना,

जेव्हा वारा स्पर्शून जातो,

तेंव्हाच जगण्याचं गणित

'तो' पुढ्यात मांडतो....!!

जाताना सुद्धा क्षितिजापल्याड 'तो'

मनी रंग मावळतीचे सोडतो...!!

म्हणूनच क्षण तो कातरवेळीचा

घडवून भेट आपुली , आपुला भासतो...!!

#कातरवेळ❣️

#जिंदगी_का_फंडा🍃

रात्र...!!

गडद अंधाऱ्या वाटेवर, 

रातकिडेही भीती दाखवती...!

तेव्हाच काजव्यांच्या साथीने,

अचूक पावले ती पडती...!

अंधाराचा घेऊन फायदा,

तो मात्र धो-धो कोसळला...!

तेंव्हाच रातराणीच्या सुगंधाने,

माझा अंगण मात्र दरवळला...!

साक्षीने, अंधारलेल्या चंद्राच्या,

रात्र मी जागुन काढली...!

स्वप्न उद्याचे रंगवताना,

अश्रूंनी साथ मात्र केली...!

पारिजातकाच्या झाडावरून,

आता रात्र उत्तरेकडे सरली,

स्वप्नांना कुशीत घेऊन,

नवजात बालकासम विसावली..!

काळरात्रीत या आता,

शोध काजव्यांचा घेऊन,

रातराणीचा सुगंध,

पाठीशी बांधून..!

उंचावू विजयाची पताका,

स्वप्नांचं क्षितिज ते गाठून....!!

#रात्र❣️

#जिंदगी_का_फंडा🍃

मनपाखरू...!!

आभाळ दाटून आलं तरी,

कोसळनं मात्र थांबलंय...!!

श्वास अडकलेल्या पाखरासम,

मन आता स्तब्ध झालंय...!!

कातरवेळीच्या सूर्यानंही,

क्षणभर क्षितिजावर आता थांबणं सोडलंय...!!

अथांग सागरावरती मात्र,

मनपाखरू क्षितिज शोधतंय..!!

डौलणाऱ्या वाऱ्याबरोबर,

निरोप घेणाऱ्या सुर्यासंगे,

न संपणारी शर्यत लावतंय..!!

लाटा आता सौम्य झाल्या,

किनाऱ्याला जाब विचारण्यासाठी...

तेव्हा पावलं मात्र थबकली,

मागं वळून पाहण्यासाठी...

 

तेव्हा उमटली पावलं जरी रेतीवरती ,

काटे मात्र टोचत राहती...

पुढच्याच क्षणी मात्र

मिळालेली फुलं आठवती...

संघर्षाच्या या पर्वाला,

तोलनं इतकं कठीण नाही,

काय मिळवलं काय गमावलं..?

इतकं छोटं गणित नाही...!!

ओंजळीतलीच फुलं आता 

देव्हाऱ्यात ठेवू,

ओंजळीतून निसटणाऱ्या

क्षणांना आता बंधमुक्त करू....!!

#मनपाखरू❣️

#जिंदगी_का_फंडा🍃

लिहिणं ....जगणं...!!

 

गड्या लिहावं म्हणतो असं काही,

पण आता शब्दांना वाचाच नाही...!!

आणलाच ओढून ताणून तरीही,

मन मात्र मानत नाही...!!

भावना मोठी की शब्द मोठे,

हा गोंधळ काहिकेल्या सुटत नाही..!!

लिहिलेलं भूतकाळात कधी,

एकांतात वाचत राहतो,

आपण आपल्याच काळाकडे,

कुतूहलाने पाहत राहतो...!!

म्हणूनच म्हणतो  गड्या,एकवेळ

गुदमरलेला श्वास वाचवेल प्राण

पण शब्दाविना भावना करतील गतप्राण...!!!

#लिहिणं❣️

#जगणं #जिंदगी_का_फंडा🍃

जगणं .... स्वप्नांचं...!!

 ढग आले दाटून आता,

वाटेवरती काळोख हा पसरला,

आणून मनगटात बळ आता,

फुलव स्वप्नांचा रम्य पिसारा...

वाऱ्या बरोबर पाऊसही येईल अवकाळी,

तरी न चुकणार लिहिलेलं ते भाळी...

साचून पानी डबक्यात आता बेडकं ही भेदरवतील,

आणले त्रान पायात या तर उंचावर नक्कीच जाशील, 

सप्नांच्या त्या रम्य पहाटेसाठी,

आता कोकिळेचं गाणं गा..

आनंदाश्रू टिपण्यासाठी आता,

मयुरासम फुलून पिसारा,

वसंताची  वाट  पहा....!!!

एकदिवस असा येईल,

घामाचेही मोती होतील;

अन् अभिमानाने शिरपेचात असतील,

कित्येक वर्षे कष्टाची कहाणी सांगतील

स्वप्नांची आग मनामधील

दाहीदिशा आता  

काजव्यासम उजळून टाकतील;

पावसामागुन पाऊस येतील

तेव्हा आणून मनगटात बळ आता 

स्वप्नांचा रम्य पिसारा फुलवतील....!!

#पाऊस #जगणं❣️

#जिंदगी_का_फंडा