मनाच्या "स्व"त्वातून ....!!!

    काही ठिकाणी गेल्यावर तुम्ही स्वतः हरवता त्या सुंदर विश्वात ....!!
तुम्ही स्वतःच स्वतःचे होऊन जाता;
    अन् माणूस जेव्हा स्वतःला वेळ देतो ना त्यावेळेस तो स्वतःमध्ये हरवून जातो, ते हरवलेपण त्याचा "स्व"शोध घेण्यासाठी कारणीभूत ठरतं, आयुष्यात कधी कधी  "स्व"शोध घेणं खूप गरजेचं असतं, स्वतःला स्वतःच्या नजरेनं पाहणं आवश्यक असतं...!! बऱ्याचवेळी आपण स्वतःला स्वतःच्या नजरेनं पाहतच नाहीत, पाहतो ते दुसऱ्याच्या चष्म्याने....!!!
त्यांनी लावलेली लेबलं आपल्याला खरी वाटू लागतात अन् आपण स्वतःला ही दुसऱ्यांच्या चष्म्याने बघतो...!! आपण साधा नवीन आपल्या आवडीचा ड्रेस जरी घातला तरी दुसऱ्याच्या comments ची अपेक्षा करतो...!!
    आठवा बरं ,तुम्ही तुम्हाला शेवटची शाबासकी कधी दिलीय...??
स्वतःला शाबासकी देता आली पाहिजे बस्स ....!! कधी कधी स्वतःची वाह वाह करावी स्वतःनेच....!!!
अशी ठिकाणं प्रत्येकाच्या आयुष्यात असावीत...!!
      जिथं एकटं गेल्यावर वाटावं, इथं आहे आपलं कोणतरी, जे घेतं आपल्याला आहे तसं सामावून, जे स्वीकारतं, आहोत आपण अगदी तसंच...!!
      ते कधी खटाटोप करत नाही बदलवण्याचा, ते ठिकाण प्रेम करतं तुम्ही आत्ता आहात त्याच्यावर , तुम्ही आहात तिथं तसंच स्वीकारणं पसंद करतं....!!!
         इतरांनी आपल्याला स्वीकारण्यापेक्षा आपण स्वत:ला         स्वीकारलेले कधीही चांगले...!
  प्रत्येकालाच जमेल असं नाही , पण असं एक ठिकाण असावंच सगळ्यांकडे...!!!,
          जिथं मनातलं सर्व-सर्व काही असेल ते उन्मळून बाहेर येतं, असं ठिकाण  जिथं आनंदही तेवढ्याच तीव्रतेने व्यक्त होतो अन् नाराजीही तेवढ्याच हक्काच्या तीव्रतेनं बाहेर पडते, अशी एक जागा तर असतेच ती माझी माय, माझी आई, जे असतं एका लेकराचं विश्व ...!!!
   पण समाजाची नजर ज्यावेळेस सांगते ना, की तुम्ही मोठे झालात तेव्हा त्या विश्वाला - त्या आईला पण सर्व सांगताना आड येतो; आपला समजूतदारपणा, मोठे झालो ही भावना ....!!!
       त्याचमुळे अशी ठिकाणं असावीत जिथं बघाल तुम्ही स्वतःला, कराल स्वतःच्या चांगल्या- वाईट गोष्टींवर उदंड प्रेम ...!!
जिथं असेल एक माज, आहे तसा स्वीकारण्यातला ...!!!!
      मग ते ठिकाण एका अजाण टेकडीवरील महाकाय दगड असेल, किंवा नदीकाठच्या वाळवंटात, रणरणत्या उन्हातल्या पांथस्थाला  सुखद सावली देणारं एखादं झुडूप ...!!!
 त्या झुडपाच्या हवहव्याशा वाटणाऱ्या त्या सावलीतून दिसतो, डोळ्याला गारवा देणारा सरितेचा अथांग, पण मंदावलेला प्रवाह ....!!!
   मग जाणवावं तो प्रवाह सुद्धा स्वत तळपतोच आहे सूर्याच्या तेजाने ....पण तोच प्रवाह देतोय त्या पांथस्थाला सुखद मायेचा ओलावा, गारवा .....!!!!
बनावं तसंच त्या प्रवाहासारखं...!!!
    जमेल ???

#जिंदगी_का_फ़ंडा🍃

"श्वास" विकला जातोय.....!!!!!

एके दिवशी मेट्रो सिटी असणाऱ्या पुण्याच्या प्रतिष्ठित समजल्या जाणाऱ्या जे एम रोडवरून फिरत असताना ,

एक 8-9 वर्षाचा मुलगा अंगावर मळलेले कपडे,फाटलेला, बटनं नसलेला शर्ट घालून तो अन्, त्याची आई, सिग्नल ला फुगे विकत होते...!!
ते 8-9 वर्षाचं बालपण असंच फुटपाथवर धरणी मातेचा पलंग अन् आभाळाच्या छायेखाली झोपून चाललेलं ....! हे पाहिल्यावर मनावर वज्राघात झाल्यासारखं जाणवलं.
    कोणीतरी अचानक धातुच्या घणाने डोक्यावर घाव घालावा अन् आपल्याला भोवळ यावी अन् मन सुन्न व्हावं, मनाची विचार करण्याची क्षमता संपली अन् पाय गळून गेल्यासारखं वाटायला लागलं...!!
अन् एक आम्ही लोकं एन्जॉय च्या नावाखाली बर्थडे करतो, पार्ट्या करतो...
    या पार्ट्या अन् बर्थडे चे किस्से चवीने सांगतो , अन् म्हणतो की आम्ही खूप मज्जा केली, एन्जॉय केला....
   तर त्याच वेळेस दुसऱ्या बाजूला एक बालवयातील बाळ त्याचा अन् त्याच्या आईचा उदरनिर्वाह करण्यासाठी आतड्याला पीळ पडला तरी विचार न करता त्या फुग्यांमध्ये आपल्या आतड्यातली हवा भरून सिग्नल ला विकून पोट भरतोय....!!

एका बाजूला टाटा, अंबानी, अदानी चे उंच उंच महाल , महागड्या गाड्या ऐशोआरामी जीवन so called luxurious life....!!!
तर दुसऱ्या बाजूला एका विकसनशील भारतातील 8-9 वर्षाचा बालक टीचभर पोट भरण्यासाठी कासावीस होताना दिसतो...
का एवढी दरी असावी श्रीमंती अन् गरिबी मध्ये ..????
अहो, ही माणसं फुकट काही मागत नाहीत आपल्याकडे
त्यांना कष्टाचीच भाकर आवडेल;आवडते
पण त्यांच्या हाताला काम तरी द्या ...!!!!
एवढ्या दरीने कधी ना कधी उद्रेक हा होईलच ...!!!
प्रश्न पोटाचा असला तरी, आयुष्य जगताना नाईलाजास्तव का होईना हसत हसत उत्तरं ही शोधावीच लागतात...! मग तो फुगे विकणारा असो किंवा सायकलवर कागदी फुलांचे गुच्छ विकणारा असो किंवा सिग्नल वर देवाच्या नावाने काळी बाहुली विकणारा असो ....!!!
कोणीतरी विचारलं , "हिंदू आहेस का मुसलमान? -अन् खूप अजीब उत्तर आलं ........उपाशी आहे साहेब  ...!!!"
ते रोडवरील दृश्य पाहिल्यावर मनातून आलं,
      कोई समझ ना सका उस की मजबुरी...
      जो सांसे बेच रहा था गुब्बारे में भर के...
आणि कोणीतरी लिहून ठेवलंय ...!!!
    "भुक फिरती है मेरे मुल्क में नंगे पाओ रिज़्क ज़ालिम कि तिजोरी में छुपा बैठा है...!'
      मित्रांनो , आयुष्यात तुम्ही कितीही मोठे व्हा...!! बक्कळ पैसा कमवा...!! तुमच्या शब्दाकोशात एन्जॉय चा जो अर्थ असेल त्यापद्धतीने एन्जॉय करा...
   पण त्याच बरोबर मालक-साहेब एक करा; या लोकांना दोनवेळचं जेवण मिळेल एवढं त्यांच्यासाठी नक्की करा..!
तुम्ही luxurious life जगा पण माझ्या मित्रांनो ,या रोड वर असणाऱ्या लोकांसाठी, त्याचं टीचभर पोट भरण्यासाठी जमेल ते करा...!! आयुष्यात आपल्या महत्वकांक्षा खूप असतील पण त्यांच्या फक्त दोनवेळचं पोट भरेल एवढं जेवण हवं आहे...!!
    तुमच्या कमाईतून त्यांच्या टीचभर पोटाची खळगी भरण्यासाठी एक छोटा वाटा काढून ठेवला तर ईश्वर तुम्हांस त्याच्या हजारपट देईल ....!!!
वामनराव पै नी कुठेतरी लिहून ठेवलंय,
"तुम्ही इतरांच्या बाबतीत जे जे कराल ते ते तुमच्याकडे हजारपटीने reflect होतं...
मग ते प्रेम असो, तिरस्कार असो, मत्सर असो ....!!"
हे लोकं वर आले तरच आपला हिंदुस्थान खरा विकसित देश बनेल ....!!!
साहेब, हे करत असताना
मदतीचे हात किती मोठे आहेत हे पाहण्यापेक्षा मदत करण्याची इच्छा किती मोठी आहे हे बघा .....!!!
कुठेच नसतं ठरवलेले मुक्कामाचं ठिकाण
स्वप्नांच्याच वाटेवर टीचभर पोटासाठी लोकांना मांडावं लागत दुकान...!!!!!!

#जिंदगी_का_फंडा 🌿🍃