वर्षाच्या शेवटाकडे जाताना,
आठवणींचं गाठोडं पाठी टाकून चालत रहायचं..!
स्वप्नांचं क्षितिज तेवढं गाठायचं,
मान्य काही स्वप्न लांबणीवर पडले,
केलेले काही संकल्प धुळीस मिळाले,
पण पुन्हा नव्याने शिकवण घेऊन
चालत रहायचं,
कर्तृत्वाचं क्षितिजपार करायचं..!!
जी मिळाली अनुभवांची शिदोरी,
बांधून ती जपून वापरायची,
यावर्षीची नवी डायरी मात्र,
यशाने-कर्तृत्वाने फुलवायची....!!
#स्वागत_नववर्षाचे❣️
#जिंदगी_का_फ़ंडा🍃
निरोप देत सर्वांना,
पोहचला 'तो' पश्चिम क्षितिजाला...!!
तिचा हात हातात घेऊन ,
समजावत क्षणभर 'तो' थबकला...!!
तेव्हाच वाऱ्याने,
पानांबरोबर सूर धरला..!!
समुद्राच्या लाटांनी,
किनाऱ्याला मात्र जाब विचारला...!!
पण त्याला निरोप घेणं अटळ होतं,
याचं गमक फक्त तिलाच उमगलं होतं...!!
म्हणून निरोप 'तो' घेताना,
'ती' लपवते चेहऱ्यावरची छटा काळी,
भरते केशरी रंग कपाळी...!!
यांतच 'तो' आता क्षितिजाआड
जातो आहे,
मांडीवर डोकं ठेवून तिच्या
निरोप तो घेतो आहे...!!
#तो_सूर्य_ती_कातरवेळ❣️
#निरोप2022
#जिंदगी_का_फ़ंडा🍃
वाचलेलं अनुभवणं, अनुभवलेलं लिहिणं, त्यातून भावलेलं आत्मसात करणं, आत्मसात केलेलं टिकवून ठेवणं, टिकवलेलंच जगणं होणं, त्याच जगण्याचा हेवा वाट...
