निरोप देत सर्वांना,
पोहचला 'तो' पश्चिम क्षितिजाला...!!
तिचा हात हातात घेऊन ,
समजावत क्षणभर 'तो' थबकला...!!
तेव्हाच वाऱ्याने,
पानांबरोबर सूर धरला..!!
समुद्राच्या लाटांनी,
किनाऱ्याला मात्र जाब विचारला...!!
पण त्याला निरोप घेणं अटळ होतं,
याचं गमक फक्त तिलाच उमगलं होतं...!!
म्हणून निरोप 'तो' घेताना,
'ती' लपवते चेहऱ्यावरची छटा काळी,
भरते केशरी रंग कपाळी...!!
यांतच 'तो' आता क्षितिजाआड
जातो आहे,
मांडीवर डोकं ठेवून तिच्या
निरोप तो घेतो आहे...!!
#तो_सूर्य_ती_कातरवेळ❣️
#निरोप2022
#जिंदगी_का_फ़ंडा🍃
No comments:
Post a Comment