भाजलेल्या मनाला,
उमळणाऱ्या काट्यांना,
सांजवेळ फुंकर घालते,
अव्यक्त शब्दांना....!!
उन्हानंतर सावलीला,
अनामिक हुरहुरीला,
सांजवेळ कुशीत घेते,
ना दिसता कुणा ...!!
कधी आई बनून,
कधी बनून बहीण,
डोळ्यातून टपकणाऱ्या
मोत्यांना लपवते झेलून,
अन् सांजवेळच दाखवते,
बनून मैत्रीण...!!
दिसाबरोबर हसताना,
मुखवट्या मागच्या
दुखऱ्या क्षणांना,
सांजवेळ सांगते,
हळूच तिरप्या किरणांना....!!
अशी 'तू',
असा 'मी',
आजन्मीच ऋणी,
कायमच 'मी'....!!!
#सांजवेळ❣️
#जिंदगी_का_फंडा🍃
No comments:
Post a Comment