जगणं.... ज्याचं.. त्याचं

 

चहू बाजूंनी आभाळ भरून आल्यावर 

आज तो भरभरून कोसळला,

दाटून आलेल्या मनाला 

हलकेच चिंब करून गेला...!!

संथ कोसळताना त्याने 

एकांताची जाणीव दिली,

तूच तुझा साथी म्हणत 

पाठीवर आश्वासक थाप दिली,

अन् पडताच मातीत मिसळताना

त्याने जगाची रीत सांगितली...!!

वाऱ्यासंग गडगडाट करत,

लढल्याचा शंखात नाद भरत,

कदाचित सांगून गेला कानात,

घेऊन उसनं अवसान  लेका,

उतरायचं नसतं जगाच्या युद्धात...!!

आता आणून लेका बळ मनगटात,

असतो सुकाणू  तोलायचा,

करून जीवनाची मशागत आता

काळ हा रण गाजवायचा..!!

पहा त्या तिथल्या क्षितिजाले,

रान फुललेलं बघण्यास लेका

आई बाचे डोळे आतूरलेले...!!

असेल जरी सूर्य पश्चिमेकडे झुकलेला

पण तरीही कष्टाचा दाह मात्र दुसऱ्या प्रहराचा,

अट्टाहास तयांचा फक्त पूर्ण स्वप्न तुझी पाहण्याचा...

.!!

#जगणं❣️

#जिंदगी_का_फंडा🍃