गडद अंधाऱ्या वाटेवर,
रातकिडेही भीती दाखवती...!
तेव्हाच काजव्यांच्या साथीने,
अचूक पावले ती पडती...!
अंधाराचा घेऊन फायदा,
तो मात्र धो-धो कोसळला...!
तेंव्हाच रातराणीच्या सुगंधाने,
माझा अंगण मात्र दरवळला...!
साक्षीने, अंधारलेल्या चंद्राच्या,
रात्र मी जागुन काढली...!
स्वप्न उद्याचे रंगवताना,
अश्रूंनी साथ मात्र केली...!
पारिजातकाच्या झाडावरून,
आता रात्र उत्तरेकडे सरली,
स्वप्नांना कुशीत घेऊन,
नवजात बालकासम विसावली..!
काळरात्रीत या आता,
शोध काजव्यांचा घेऊन,
रातराणीचा सुगंध,
पाठीशी बांधून..!
उंचावू विजयाची पताका,
स्वप्नांचं क्षितिज ते गाठून....!!
#रात्र❣️
#जिंदगी_का_फंडा🍃
No comments:
Post a Comment