समुद्रीची 'कातरवेळ'...!!!

सांजवेळी नभी रंग उधळती,

पाखरं मनसोक्त हुल्लड घालती,

वारा समुद्रीचा, पानासंगी शीळ वाजवतो,

मनी विचारांचे तरंग उठवतो,

दूर देशीचा तो थंडगार वारा,

आजही आणतो अंगावरी शहारा,

पश्चिम क्षितिजावर सूर्य विसावतो,

अनामिक हुरहुरीचे वावटळ उठवतो,

लाटांना सोनेरी साज चढतो,

त्या किनाऱ्याला आलिंगन देती,

तेव्हाच हृदयाला कंपने भासती,

उडवून फवारे आठवनींचे,

नाही विसरत चिंब करायचे,

जरी पुसली लाटांनी नावं त्या रेतीवरची,

नाही विसरली आठवण त्या भेटीची,

कौतुक या समुद्राचंच वाटतं,

लाटांचं उन्मळून येणं,

किनाऱ्याचं झेलत राहणं,

आतल्या आत तुटत राहणं, 

नवं त्या समुद्राला नसतं,

असंख्य कहाण्या शांतपणे पोटात घेतो,

अनेक प्रेमाचा-विरहाचा साक्षी बनतो,

तेव्हांच निरोपाचा क्षण येतो,

टांगेवाला टाच मारितो,

टप-टप-टप करत आठवणींच्या गावा जातो,

'तो' किनारा 'ती' लाट मागे सोडीतो,

नव्या किनाऱ्याच्या नव्या लाटेच्या शोधात दौडतो....!!!

#जिंदगी_का_फ़ंडा🍃