जगणं...!!

 

जीवन म्हणजे एक युद्धच,

आव्हानांनी काठोकाठ भरलेला  पेला..!

यात विजयाचे शंख वाजतील,

तसे पराजयाचे पांढरे निशाणही दिसतील,

ऐनवेळी आपल्यांची साथ सुटेल,

 दिलेला हात ऐनवेळी दगा करेल...!!

दरम्यान जखमांचे वार होतील,

 काही वार अबोल होतील..!

कोण्या कर्णाला,

जीवनभर अनुत्तरित रहस्य, मरतेवेळी कळेल,

तर कोण्या परीक्षितिला गर्भातच अभय मिळेल..!

जीवन म्हंटलं की हे सर्व ओघाने आलंच,

कळीचं उमलणं, त्याचं फुल होणं,

तारुण्याच्या काळात बहरून जाणं, सुगधं पेरणं,

जसं वसंतात बहरलं जातं,

अगदी तसंच शिशिरात पानगळ ही व्हावीच लागते,

कठीण असलं तरी फुललेल्याला मातीत मिसळावंच लागतं,

यात ना विजयाचा आनंद असतो,

ना पराजयाचं दुःखं असतं,

फक्त यात मागे उरतात,

त्या या युद्धभूमीवरच्या पाऊलखुणा,

सापडलेल्या वाटेबरोबरच चुकलेल्या वाटेच्याही,

अगदी कोणताही भेदभाव न करता...!!

म्हणुन ना विजय महत्वाचा, असतो ना पराजय,

महत्वाचा असतो तो प्रवास दिगंतराचा....!!!

कारण ही युद्धभूमी हा पाटी पेन्सिलचा डाव नक्किच नसतो,

इथं गिरवलेला प्रत्येक शब्द पाटीवर कोरला जातो,

खोडला तरी डाग मात्र मागे उरतो....!!

#जगणं❣️

#जिंदगी_का_फ़ंडा🍃