सांजवेळी,
निरोपाच्या क्षणी,
का यावं डोळ्यात पाणी..!!
जरी येणार उद्या तू,
तरी का गावी उदास गाणी..!!
रोजच्या निरोपाच्या क्षणी,
क्षितिजावर क्षणभर थबकतो,
चुकलेला दिवसाचा मेळ क्षणात बसवतो..!!
डोंगराआड जाणारा तू,
रोज काहीतरी शिकवण देतो,
सांगत राहतो, निरोपाच्या क्षणीसुद्धा,
महोत्सव हा करायचा असतो..!!
आज काळ्या ढगांनी आच्छादलं,
म्हणून तेज कधी कमी होत नसतं,
औदार्य अन् तेज हे रक्तातंच भिनलेलं असतं..!!
मित्वाच्या जंजाळातुन स्वत्वाचा शोध घ्यायचा असतो,
म्हणूनच सांजवेळी डायरीवर दिवस उतरवताना,
तिरप्या किरणांसह काही क्षणांना निरोप द्यायचा असतो,
जड पावलांनी... जड अंतकरणानी...!!
#कातरवेळ❣️
#जिंदगी_का_फ़ंडा🍃
No comments:
Post a Comment