भरून आलेल्या आभाळाकडून,
कोसळणं शिकावं..!
विरहाने तापलेल्या पृथ्वीकडून,
वाट पाहणं शिकावं..!
प्रेम भरल्या सरींकडून,
तहान भागवनं शिकावं..!
दूरवरून आलेल्या वाऱ्याकडून,
पानासंग गीत गाणं शिकावं..!
उगवणाऱ्या सूर्याकडून,
काळोखावर मात देणं शिकावं..!
मावळत्या सूर्याकडून,
निरोपाचा मोल जाणावं..!
मातीत गाडलेल्या बीजाकडून,
नवनिर्मितीचं गमक घ्यावं..!
इवलूश्या कळीकडून,
उमलण्याचं धैर्य शिकावं,
त्याकळीच्या फुलाकडून,
सुगंधाचं देणं शिकावं,
अन् फुलता फुलता एक दिवस,
कोमेजून सहजतेने मातीतही मिसळावं...!!
फक्त इतकं सहजतेने जमावं..!!
#निसर्ग_गुरू❣️
#जिंदगी_का_फ़ंडा🍃
No comments:
Post a Comment