पण आता शब्दांना वाचाच नाही...!!
आणलाच ओढून ताणून तरीही,
मन मात्र मानत नाही...!!
भावना मोठी की शब्द मोठे,
हा गोंधळ काहिकेल्या सुटत नाही..!!
लिहिलेलं भूतकाळात कधी,
एकांतात वाचत राहतो,
आपण आपल्याच काळाकडे,
कुतूहलाने पाहत राहतो...!!
म्हणूनच म्हणतो गड्या,एकवेळ
गुदमरलेला श्वास वाचवेल प्राण
पण शब्दाविना भावना करतील गतप्राण...!!!
#लिहिणं❣️
#जगणं #जिंदगी_का_फंडा🍃
वाटेवरती काळोख हा पसरला,
आणून मनगटात बळ आता,
फुलव स्वप्नांचा रम्य पिसारा...
वाऱ्या बरोबर पाऊसही येईल अवकाळी,
तरी न चुकणार लिहिलेलं ते भाळी...
साचून पानी डबक्यात आता बेडकं ही भेदरवतील,
आणले त्रान पायात या तर उंचावर नक्कीच जाशील,
सप्नांच्या त्या रम्य पहाटेसाठी,
आता कोकिळेचं गाणं गा..
आनंदाश्रू टिपण्यासाठी आता,
मयुरासम फुलून पिसारा,
वसंताची वाट पहा....!!!
एकदिवस असा येईल,
घामाचेही मोती होतील;
अन् अभिमानाने शिरपेचात असतील,
कित्येक वर्षे कष्टाची कहाणी सांगतील
स्वप्नांची आग मनामधील
दाहीदिशा आता
काजव्यासम उजळून टाकतील;
पावसामागुन पाऊस येतील
तेव्हा आणून मनगटात बळ आता
स्वप्नांचा रम्य पिसारा फुलवतील....!!
#पाऊस #जगणं❣️
#जिंदगी_का_फंडा
तसा साज हा चढला मावळतीला..
गीत गात पानांसंगती
साद देती दूरदेशीच्या वाऱ्याला...
यात नजरेसही ना पडला बकुळ जरी
भुलवत राहतो त्या ललनापरी...
तेव्हाच एकांताच्या वाटेवरती
साद कोकिळेने द्यावी,
थबकल्या पावलांनी
वाट मात्र एकांताचीच धरावी...
बहरलेल्या गुलमोहराने
कित्येक अमावस्यानंतर
लाटा किनाऱ्याला भिडल्याची
जाणीव द्यावी,
जाता जाता विरहानंतरच्या
भेटीची आस लावावी....
तिरप्या किरणांमध्ये
हीच निसर्ग निर्मिती उजळून निघावी
अन् मनामनात साठवावी,
जगण्याच्या वाटेवरच्या उमळणाऱ्या लाटांबरोबर
संथ सागराची अनुभुती घ्यावी....!!!
#जगणं❣️
#जिंदगी_का_फंडा🍃
अस्तित्वाच्या लढाईतला,
मी असा ऊन वाऱ्यातला...!!
ओसाड माळरानावर,
दगड गोट्यांच्या साथीततला,
मी असा चटके देऊन,
जगवणाऱ्या मातीतला...!!
वाऱ्यासंग सुगंध पेरणारा,
प्रहरीचा सूर्य माथ्यावर पेलणारा,
मी असा पावसासंग गीत गाणारा...!!
एकांतातला एकटेपणा
अन् एकटेपणातला एकांत,
यात वळून मागे पाहणारा,
मी असा
जन्म मातीतला, शेवट मातीतला
पाहुणा या जगण्यातला...!!
#जगणं❣️
#जिंदगी_का_फ़ंडा🍃
वर्षाच्या शेवटाकडे जाताना,
आठवणींचं गाठोडं पाठी टाकून चालत रहायचं..!
स्वप्नांचं क्षितिज तेवढं गाठायचं,
मान्य काही स्वप्न लांबणीवर पडले,
केलेले काही संकल्प धुळीस मिळाले,
पण पुन्हा नव्याने शिकवण घेऊन
चालत रहायचं,
कर्तृत्वाचं क्षितिजपार करायचं..!!
जी मिळाली अनुभवांची शिदोरी,
बांधून ती जपून वापरायची,
यावर्षीची नवी डायरी मात्र,
यशाने-कर्तृत्वाने फुलवायची....!!
#स्वागत_नववर्षाचे❣️
#जिंदगी_का_फ़ंडा🍃
निरोप देत सर्वांना,
पोहचला 'तो' पश्चिम क्षितिजाला...!!
तिचा हात हातात घेऊन ,
समजावत क्षणभर 'तो' थबकला...!!
तेव्हाच वाऱ्याने,
पानांबरोबर सूर धरला..!!
समुद्राच्या लाटांनी,
किनाऱ्याला मात्र जाब विचारला...!!
पण त्याला निरोप घेणं अटळ होतं,
याचं गमक फक्त तिलाच उमगलं होतं...!!
म्हणून निरोप 'तो' घेताना,
'ती' लपवते चेहऱ्यावरची छटा काळी,
भरते केशरी रंग कपाळी...!!
यांतच 'तो' आता क्षितिजाआड
जातो आहे,
मांडीवर डोकं ठेवून तिच्या
निरोप तो घेतो आहे...!!
#तो_सूर्य_ती_कातरवेळ❣️
#निरोप2022
#जिंदगी_का_फ़ंडा🍃
नैऋत्य मोसमी वारे चालू होऊन बरेच दिवस झाले होते पण अजून मान्सून म्हणावा तसा चालू झाला नव्हता. हा, पण या वाऱ्यांमुळे हवेतला उकाडा कमी होऊन ...
