निरोप...!!

निरोप असा घ्यावा की,

घेणाऱ्याच्या वर्मीचा घाव

कोणा ना दिसावा...!!

निरोप असा घ्यावा की,

कातरवेळीचा महोत्सव फिका भासावा,

अन् कोजागिरीचा चंद्र रिता वाटावा.....!!

निरोप असा घ्यावा की,

श्रावणात ,शिशिराचं आगमन वाटावं,

ऐन अमावसेच्या रातीचं चांदणं

अंगणात उतरावं,

तिथंच पारिजातकाच्या फुलांनं

हळूच मातीत मिसळावं,

शेजारच्या फुलाच्या नकळत

लोप व्हावं,

सुगंध देत देत,मातीचं व्हावं....

निरोप असा घ्यावा

कातरवेळीच्या सुर्यासम प्रखर, तेजोमय , शांत सौम्य...!!

#निरोप❣️

#जिंदगी_का_फ़ंडा🍃