. शांत वाटणारी तू ही,
न बोलता तू काही,
खूप सारे हितगुज करी,
तू सरताना येती आठवणींचे दाटून नभ
अन् करती न गर्जताही सर्वांग चिंब,
शहारे आणणारा दूरदेशीचा तो वारा,
वाटे मज सम कोणी मोरपीस फिरवला,
खिडकीतून येणारी चंद्राची ती छाया,
वाटे मज कोण आले अवेळी भेटाया,
दारातल्या बागेत बकुळ दरवळला,
वाटे कोण्या परीचा दूरदेशीचा अत्तर पसरला,
अश्यातच रात्र सरत गेली,
नव्याने पहाट पावलं टाकीत आली,
कोकिळेने नेहमीची इशारत केली,
ही शांत वाटणारी रात्र सरली,
आठवणींचे नभ रिकामे करत,
भूतकाळात विलीन झाली,
पुन्हा तू येशील,
पुन्हा नभ दाटतील,
पुन्हा भास होतील,
नव्याने....!!
#रात्र
#जिंदगी_का_फ़ंडा🍃
No comments:
Post a Comment