मावळणाऱ्या दिनकरा,
जाता जाता एक कर,
दिवसभराच्या जखमांवर,
हळुवार दे फुंकर...!!
धावणाऱ्या या गर्दीत,
मज आतला माणूस जपू दे,
काटा जरी कुणाला रुते,
आसवं माझी ओलावू दे...!!
मावळणाऱ्या दिनकरा,
जाता जाता एक कर,
दिवसभराच्या अनुभवांचं,
गाठोडं मज संगती कायम असुदे..!!
उन्हा- सावलीत पावलं,
कायम मातीशी घट्ट वसुदे...!!
मावळणाऱ्या दिनकरा,
जाता जाता एक कर,
निरोपाच्या क्षणांच्या महोत्सवाचं
गमक दे,
मिथ्या जगाचा निरोप मी घेताना
हास्य कायम चेहऱ्यावर वसुदे
मावळणाऱ्या दिनकरा....!!❤️
#कातरवेळ❣️
#जिंदगी_का_फ़ंडा🍃
No comments:
Post a Comment